पुण्य वार्ता
संगमनेर खुर्द (संजय गोपाळे )
देव घ्या कोणी देव घ्या कोणी आयता आला घर चालोनी…
श्रीक्षेत्र नारायणपूर ता. पुरंदर जिल्हा पुणे येथील परमपूज्य श्री श्री नारायण महाराज यांच्या आशीर्वादाने तसेच त्यांचे उत्तराधिकारी परमपूज्य टेंभे स्वामींच्या प्रेरणेने परमपूज्य नारायण महाराज आश्रम, संगमनेर महाविद्यालयाच्या समोर असलेल्या आश्रमामध्ये सामुदायिक महाआरती सोहळा व महाप्रसादाचा भव्य कार्यक्रम दर गुरुवारी रात्री आठ वाजता भजन व आरती याद्वारे संपन्न होतो .नंतर सर्व भाविकांना आमटी भात व शिऱ्याच्या प्रसादाचे वाटप होते .या ठिकाणी अन्नदात्यांची पुढील तीन महिने बुकिंग झालेली असते . काही भाविक दोघे तिघे मिळून अन्नदान करतात. आपल्या तालुक्याचे नवनिर्वाचित लोक मान्य आमदार श्री अमोल जी खताळ यांनी सुद्धा दोन वेळा अन्नदान केले असून वेळोवेळी आरतीला ते येतात.आरती आधी नारायणपूर येथील शिष्यगण अण्णा महाराजांनी दिलेले परमज्ञान आणि दत्तसेवेचे महात्म्य सांगतात .अशा रीतीने सर्व भाविक या सोहळ्यात आनंदाने भक्तिमय वातावरणात हा गुरुवारचा सोहळा साजरा करतात .अण्णा महाराज देखील नेहमी सांगायचे आनंदाचा आनंद तोच परमानंद तोच दत्त महाराज होय .
अशा प्रकारच्या या जागेमध्ये परमपूज्य श्री श्री नारायण महाराजांचे वास्तव्य तसेच त्यांच्या पदस्पर्शाने पावन झालेली ही भूमी असून परमपूज्य टेंबे स्वामी यांचे देखील या पावन भूमीमध्ये वास्तव्य राहिलेले आहे.
या ठिकाणी नियमित येणाऱ्या बऱ्याचशा भाविकांना अतिशय चांगले अनुभव आलेले आहेत गुंजाळवाडी येथील दानशूर व्यक्ती श्री दगू भाऊ गुंजाळ यांनी शिष्यांच्या नावावर 2001 यावर्षी बक्षिस पत्र म्हणून दान केली आहे .ही जागा सुमारे दहा गुंठे असून अतिशय सुंदर अशी शेड निवारा म्हणून बांधली आहे. आत मध्ये दत्त महाराजांच्या पादुका व अण्णा महाराजांचा भव्य फोटो आहे .तालुक्यातील भाविकांना नारायणपूरला नियमित पणे जाणे शक्य होत नसल्यामुळे या ठिकाणी येऊन आरती चा लाभ घेण्यासाठी सर्वांनी यावे असे नम्र आवाहन दत्त सेवेकरी या निमित्ताने करत आहेत. सर्वांनी एकदा येऊन या ठिकाणी दत्तसेवेचा लाभ घ्यावा ही आग्रहाची विनंती .
