पुन्य वार्ता
अकोले प्रतिनिधी
शिष्यवृत्ती परीक्षेत स्वरा अकोले तालुक्यात प्रथम तर राज्य गुणवत्ता यादीत ११व्या स्थानी.
तसेच ऑल इंडिया सैनिकी स्कूल प्रवेश परीक्षेमध्ये 300 पैकी 288 गुण मिळवून राज्यांत मुलींमधून (ओबीसी प्रवर्गातून) पहिला येण्याचा मान मिळवला. सातारा सिव्हिल येथे दोन दिवसाचे मेडिकल पूर्ण केल्यानंतर तिची निवड निश्चित झाली. चालू वर्षी ती नवोदय विद्यालय प्रवेश परीक्षेमध्ये उत्तीर्ण होऊन नवोदय विद्यालय टाकळी ढोकेश्वर अहिल्यानगर येथेही निवड झाली होती.
स्वरा जि. प प्रा. शाळा धामणगाव आवारीची विद्यार्थीनी असून तिच्या यशा मध्ये वर्ग शिक्षक श्री विक्रम गायकर यांचे तिला मोलाचे मार्गदर्शन मिळाले तसेच आय कॅन इन्स्टिट्यूट पंढरपूरचे संचालक विवेकानंद भोसले सर व आय कॅन इन्स्टिट्यूट चे संस्थापक श्री नवनाथ देशमुख सर यांचे वेळोवेळी मार्गदर्शन मिळाले. तसेच गणित विषयांचे शिक्षक श्री. शिवाजी रुपनर सर यांचे मार्गदर्शन मिळाले.स्वराला पुढील वाटचालीसाठी शिक्षक बंधू भगिनींनी शुभेच्छा दिल्या.
स्वराचे आई-वडील श्रीम.चैताली रासकर व श्री.मच्छिंद्र रासकर प्राथमिक शिक्षक आहेत.
