पुन्य वार्ता
अकोले प्रतिनिधी- जगद्गुरु श्री संत तुकोबाराय त्रिशतकोत्तर अमृत महोत्सवी (३७५ वर्ष) सदेह वैकुंठ गमन सोहळा समिती ओतूर व
वारकरी संप्रदायाच्या वतीने वीर जवान संदीप गायकर यांच्या कुटुंबीयांना एक लाख रुपयाचा कृतज्ञता निधी सुपूर्द करण्यात आला.
शहीद जवान संदीप पांडुरंग गायकर हे २२ मे २०२५ रोजी जम्मू-काश्मीरमधील किस्तवाड येथे दहशतवादविरोधी कारवाई दरम्यान अकोले तालुक्यातील करंडी (ब्राह्मणवाडा) गावचे सुपुत्र, शूरवीर शहीद जवान संदीप गायकर यांनी देशासाठी प्राणार्पण केले . यावेळी अकोले तालुका माजी सैनिक संघटनेच्या वतीने,शहीद संदीपच्या बलिदानास सलाम करताना त्यांच्या कुटुंबासमवेत संघटनेच्या पाठबळाचा पुनर्निर्धार व्यक्त केला व “शहीद संदीप यांना परत आणता येणार नाही… पण त्यांच्या कुटुंबामागे ठामपणे उभं राहणे आपले कर्तव्य आहे हे सांगितले.
जगद्गुरु श्री संत तुकाराम महाराज त्रिशतकोत्तर अमृत महोत्सवी (३७५) सदेह वैकुंठ गमन सोहळा समिती श्रीक्षेत्र ओतुर येथे प्रवासादरम्यान पडला.
संध्याकाळच्या कीर्तनात श्री गुरु बंडातात्या कराडकर यांनी आपण देशभक्तांचे कृतज्ञता म्हणून काही देणे लागतो म्हणून सप्ताह पार पडल्यावर निधी शिल्लक राहिल्यास देशाच्या सैन्यासाठी आपण काही निधी समर्पित करावा असे आवाहन या सप्ताहाचे संयोजक मंडळाला आवाहन केले, त्या आवाहनाला प्रतिसाद देत सप्ताहाचे मुख्य मार्गदर्शक ज्ञानेश्वर महाराज कदम छोटे माऊली यांनी मान्य केले .
हभ प दीपक महाराज देशमुख ,राजेंद्र महाराज सदगीर, चंद्रकांत महाराज चौधरी यांनी हा निधी सरकारला देण्या ऐवजी सप्ताहाच्या कार्यक्षेत्रातच दहशतवाद्यांसोबत लढताना वीरगतीला प्राप्त झालेल्या वीरजवानाच्या परिवाराला द्यावे या केलेल्या सूचनेप्रमाणे छोटे कदम माऊली यांनी ती रक्कम परिवाराला सुपूर्द करण्याकरता सूचना केली. सदर रक्कम
ह.भ.प. गंगाराम महाराज डुंबरे , ह.भ.प.राजेंद्र महाराज सदगीर, ह.भ.प.दीपक महाराज देशमुख, विनायक तांबे, बाळासाहेब मामा गायकर यांचे हस्ते जुन्नर तालुक्याचे आमदार शरददादा सोनवणे व आमदार डाॅ.किरण लहामटे यांचे उपस्थितीत वीरमाता सरुबाई वीरपिता पांडुरंग व वीरपत्नी दिपाली गायकर यांचे कडे ( १०००००) एक लाख रुपयाचा धनादेश सुपूर्द करण्यात आला. सैनिकांच्या समर्पण व त्यागामुळेच
देव देश आणि धर्माचे कार्य करता येत असते. आणि म्हणून त्यांच्या प्रतीची कृतज्ञता व्यक्त करण्याच्या उद्देशाने वीर जवान संदीप गायकर यांच्या पश्चात कुटुंबाला आधार म्हणून वारकरी संप्रदायाच्या वतीने ही मदत नाही तर देशभक्ता प्रती कृतज्ञता व्यक्त करण्यात आली.
संगीत अलंकार इंद्रभान कोल्हाळ सर ,संकेत महाराज आरोटे ,नितीन महाराज देशमुख ,संदीप महाराज थोरात ,भीमराव महाराज हांडे यांनी संगीत प्रवचनातून देशभक्तीपर गीतांच्या माध्यमातून वीर जवान संदीप गायकर यांना श्रद्धांजली समर्पित केली.
 सदेह वैकुंठ गमन सोहळा समिती ओतूर ववारकरी संप्रदायाच्या वतीने वीर जवान संदीप गायकर यांच्या कुटुंबीयांना एक लाख रुपयाचा कृतज्ञता निधी सुपूर्द){kind=link}