पुण्य वार्ता
गणोरे – प्रतिनिधी
जगन्नाथ आहेर
दूध उत्पादक शेतकऱ्यांच्या मागण्यासाठी सात दिवसांपासून सुरू केलेले उपोषण पशुसंवर्धन व दुग्ध व्यवसाय विकास मंत्री राधाकृष्ण विखे पाटील यांनी दिलेल्या आश्वासनानंतर स्थगित करण्यात आले.
मंत्री विखे पाटील यांनी गणोरे येथे येवून उपोषणकर्ते संदीप दराडे आणि शुभम आंबरे यांची भेट घेवून त्यांच्याशी चर्चा केली.दूध उत्पादक शेतकऱ्यांच्या प्रश्नाबाबत शासनाने घेतलेल्या निर्णयाची माहीती त्यांनी उपोषणकर्ते आणि ग्रामस्थांना दिली.याप्रसंगी माजी आमदार वैभव पिचड शिवाजीराव धुमाळ प्रांताधिकारी शैलेंद्र हिंगे,मंडलाधिकारी शिरीश कुलकर्णी,कामगार तलाठी लक्ष्मण गोंदके पोलीस उपअधिक्षक सोमनाथ वाकचौरे,पोलीस निरीक्षक गुलाबराव पाटील यांच्यासह अधिकारी ग्रामस्थ मोठ्या संख्येने उपस्थित होते.
दूध उत्पादक शेतकऱ्यांच्या पाठीशी राज्य सरकार खंबीरपणे उभे असून त्यांच्या मागण्याबाबत सराकरला निश्चितच सहानुभूती आहे.आता अनुदानासाठी घातलेल्या सर्व अटी काढून टाकण्यात आल्या असून, राज्यातील सर्व दूध उत्पादक शेतकऱ्यांच्या खात्यात हे अनुदान वर्ग करण्याच्या सूचना आपण दिल्या असल्याचे विखे पाटील म्हणाले.
दूध दराच्या बाबतीत सर्व खासगी आणि सहकारी संघ चालका समवेत झालेल्या बैठकांची माहीती देवून ऊसाप्रमाणे दूधालाही आधारभूत किंमत मिळावी यासाठी केंद्रीय मंत्री अमित शहा यांची भेट घेतली.आधार भूत किंमतीबाबत त्यांनी सकारत्मकता दर्शवली
असल्याचे सांगून मंत्री विखे पाटील म्हणाले की राज्य मंत्रीमडळाच्या बैठकीत सर्वानी तीस रूपये दर आणि पाच रुपयाचे अनुदान देण्याचा निर्णय होवू शकला.आता अमंलबजावणी करून घेणे हे महत्वाचे असल्याचे त्यांनी सांगितले.येणार्या काळात खाद्य उत्पादक समवेत बैठक घेताना शेतकरी प्रतिनिधीना बोलावण्याची मागणी विखे पाटील यांनी मान्य केली.येत्या आठवडयातच ही बैठक घेण्याचे मान्य केले..
राज्य सरकारने आतापर्यत अनुदानापोटी २३१ कोटी रुपये वाटप करण्याचा निर्णय केला.यापैकी साठ कोटी रुपयांचे राहीलेले अनुदानाचे वितरण १५जुलै पर्यत होणार असून अहील्यानगर मधील ९२हजार शेतकऱ्यांच्या खात्यात ८२ कोटी रुपयांचे अनुदान वर्ग झाले असल्याची माहीती मंत्री विखे पाटील यांनी दिली.
यावेळी अनिल आंबरे,सागर वाकचौरे व दिपक काळे यांनी मनोगत व्यक्त केले.प्रस्ताविक व सुत्रसंचालन सुशांत आरोटे यांनी केले.
