पुण्य वार्ता
अकोले (प्रतिनिधी)-अकोले नगरपंचायतच्या सार्वजनिक बांधकाम समितीच्या सभापती पदी शीतल अमोल वैद्य,पाणीपुरवठा व जलनिस्सारण समितीच्या सभापती पदी कविता परशुराम शेळके,आरोग्य व स्वच्छता, वैद्यक समितीच्या सभापती पदी सागर निवृत्ती चौधरी, तर महिला ,बाल कल्याण समितीच्या सभापती पदी माधुरी रविंद्र शेणकर यांची बिनविरोध निवड करण्यात आली.
अकोले नगर पंचायतीच्या विषय समित्यांच्या सभापती पदाच्या निवडीचा निवड कार्यक्रम नुकताच जिल्हाधिकारी डॉ सिद्धाराम सालीमठ यांच्या आदेशान्वये जाहीर झाला होता.त्यानुसार आज सभापती पदाच्या निवडिकरिता नगरपंचायत सभागृहात पिठासन अधिकारी तथा
प्रांताधिकारी शैलेश हिंगे यांच्या अध्यक्षतेखाली विशेष बैठक पार पडली .यावेळी चारही समित्यांच्या सभापती पदाच्या निवडी बिनविरोध पार पडल्या.
सार्वजनिक बांधकाम समितीच्या सभापती पदी शीतल वैद्य यांनी अर्ज दाखल केला. त्यांना प्रतिभा मनकर या सूचक आहेत तर वैष्णवी धुमाळ या अनुमोदक आहेत. या समिती मध्ये सदस्य पदी सोनालीताई नाईकवाडी,वैष्णवी धुमाळ, प्रतिभा मनकर व आरिफ शेख यांची निवड करण्यात आली.
पाणीपुरवठा व जलनिस्सारण समितीच्या सभापती पदाकरिता कविता परशुराम शेळके यांनी उमेदवारी अर्ज भरला.त्यांना तमन्ना शेख या सूचक तर जनाबाई मोहिते या अनुमोदक आहेत.या समितीत तमन्ना शेख, वैष्णवी धुमाळ,जनाबाई मोहिते, नवनाथ शेटे यांची सदस्य पदी निवड करण्यात आली आहे.
आरोग्य व स्वच्छता, वैद्यक समितीच्या सभापतीपदासाठी सागर चौधरी यांनी उमेदवारी अर्ज दाखल केला.त्यांचे नाव सोनालीताई नाईकवाडी यांनी सुचविले त्यास तमन्ना शेख यांनी अनुमोदन दिले.या समितीत सोनालीताई नाईकवाडी, जनाबाई मोहिते, तमन्ना शेख यांची सदस्य पदी निवड करण्यात आली.
महिला ,बाल कल्याण समितीच्या सभापती पदी माधुरी शेणकर यांचा उमेदवारी अर्ज दाखल करण्यात आला.त्यांना जनाबाई मोहिते या सूचक तर प्रतिभा मनकर या अनुमोदक आहेत.समितीच्या सदस्य पदी तमन्ना शेख, जनाबाई मोहिते , प्रतिभा मनकर व विमल मंडलिक यांची निवड करण्यात आली.
नियोजन आणि विकास समिती च्या सभापती पदी विद्यमान उपनगराध्यक्ष शरद नवले यांची निवड झाली. त्यांचे नाव वैष्णवी धुमाळ यांनी सुचविले त्यास सोनालीताई नाईकवाडी यांनी अनुमोदन दिले.या समितीत सोनालीताई नाईकवाडी ,वैष्णवी धुमाळ, प्रतिभा मनकर,व श्वेताली रूपवते यांचा समावेश आहे.
प्रारंभी राज्याचे माजी मंत्री तथा भाजपचे ज्येष्ठ नेते मधुकरराव पिचड, माजी आमदार वैभवराव पिचड ,तालुकाध्यक्ष यशवंतराव आभाळे, ज्येष्ठ नेते गिरजाजी जाधव,सिताराम भांगरे, शिवाजीराजे धुमाळ, अकोले तालुका एज्युकेशन सोसायटीचे अध्यक्ष इंजि.सुनिल दातीर, सेक्रेटरी सुधाकरराव देशमुख, अमृतसागर दूध संघाचे उपाध्यक्ष रावसाहेब वाकचौरे,पक्षाचे सरचिटणीस राहुल देशमुख , मच्छिंद्र मंडलिक,सचिन जोशी, धनंजय संत,
नगर पंचायतीचे नगराध्यक्ष बाळासाहेब वडजे, उपनगराध्यक्ष शरद नवले,भाजपचे नगरसेवक यांचे उपस्थितीत पक्ष कार्यालयात बैठक पार पडली.यावेळी माजी मंत्री पिचड यांनी सभापती पदाच्या नावांची घोषणा केली.व त्यानंतर नगर पंचायत सभागृहात सभापती पदाची निवड प्रक्रिया पार पडली. सहाय्यक निवडणूक निर्णय अधिकारी म्हणून मुख्याधिकारी राहुल वाघ यांनी काम पाहिले.
यावेळी नूतन सभापती पदी निवड झालेल्या सर्वांचा माजी आमदार वैभवराव पिचड यांच्या हस्ते सत्कार करण्यात आला.
यावेळी माजी आमदार वैभवराव पिचड यांनी सर्व नवनिर्वाचित सभापती यांना पुढील कार्यास शुभेच्छा देत अभिनंदन केले व सर्वांना बरोबर घेऊन अकोले शहराचा विकास करावा असे मत व्यक्त केले.
