पुण्य वार्ता
राजूर/प्रतिनिधी-(सचिन लगड)
अकोले तालुक्यातील अतिदुर्गम भाग म्हणून ओळख असलेले खिरविरे येथील तसेच संगमनेर येथील एस.एम.बी.एस.टी कॉलेजचा विद्यार्थी सिद्धेश राजू काळे याची थाळी फेक या क्रीडा प्रकारात राज्यस्तरीय स्पर्धेसाठी निवड झाली आहे.
अहमदनगर जिल्हा ॲथलेटिक्स असोसिएशन आयोजित, जिल्हास्तरीय मैदानी स्पर्धेचे आयोजन ३१ ऑगस्ट २०२४ रोजी प्रवरा पब्लिक स्कूल, प्रवरा नगर (लोणी) ता.राहता जि.अहमदनगर येथे करण्यात आले होते. त्यामध्ये थाळी फेक या क्रीडा प्रकारात सिद्धेश राजू काळे याने घवघवीत यश संपादन करत जिल्हास्तरावर प्रथम क्रमांक मिळविला असून त्याची राज्य स्तरीय स्पर्धेसाठी निवड झाली आहे. या नेत्रदीपक कामगिरीमुळे सिद्धेशला राष्ट्रीय क्रीडा दिना निमित्त चंदूकाका सराफ ज्वेलर्स यांच्याकडून संगमनेर तालुका उत्कृष्ट खेळाडू पुरस्कार प्रदान करण्यात आला आहे.यापूर्वी देखील हात इंजुरी मध्ये असताना सिद्धेशने प्रथम क्रमांक मिळवला म्हणून जिल्हा क्रीडा कमिटीने त्याचे अभिनंदन केले आहे.सिद्धेशचे प्राथमीक शिक्षण जिल्हा परिषद प्राथमिक केंद्रशाळा खिरविरे येथे झाले असून इयत्ता पाचवी ते बारावीचे शिक्षण सत्यनिकेतन संस्थेचे सर्वोदय विदया मंदिर माध्यमिक व उच्च माध्यमिक विदयालय खिरविरे येथे झाले आहे.पुस्तकी ज्ञानाबरोबरच पहाटे लवकर उठून विविध खेळांचा सराव,व्यायाम करणे तसेच शिक्षकांचे मार्गदर्शन यापेक्षा वेगळे मार्गदर्शन नाही.परंतू ध्येय,चिकाटी,आत्मविश्वास,काहीतरी नवीन शोधण्याची वृत्ती तसेच आई, वडीलांचे संस्कार या जोरावर सिद्धेशने क्रीडा क्षेत्रात मिळविलेले यश खरोखरच वाखान्याजोगे आहे.या नेत्रदीपक यशाबद्दल सिद्धेशचे खिरविरे पंचक्रोशीसह अकोले,संगमनेर तालुक्यात चांगलेच अभिनंदन होत आहे.याबद्दल संगमनेर एस.एम.बी.एस.टी कॉलेजचे प्राचार्य डी.डी.पाटील,उपप्राचार्य डॉ.बाळासाहेब वाघ,क्रीडा शिक्षक प्रमोद खैरे,सर्व कॉलेज स्टाप,खिरविरे ग्रामपंचायतीचे सरपंच गणपतराव डगळे,उपसरपंच सुभाषशेठ बेणके, माजी उपसरपंच रामभाऊ बेनके,काशिनाथ बेनके,काळू पुनाजी बेनके, दशरथ कुलाळ,बाळू बेनके,दिनेशशेठ शहा,त्रंबक पराड,निवृत्ती पराड यांसह सर्वोदय विदयालयाचे माजी प्राचार्य अंतुराम सावंत,लहानू पर्बत, प्राचार्य मधूकर मोखरे सर्व शिक्षक,शिक्षकेतर कर्मचारी, ग्रामस्थ आदिंनी अभिनंदन केले.तसेच भावी वाटचालीसाठी शुभेच्छा दिल्या.
