पुण्य वार्ता
अकोले, प्रतिनिधी:राज्यातील सर्व ग्रामपंचायत व शैक्षणिक विभागात वर्तमानपत्र सुरू करणे ही संकल्पना राज्य पत्रकार संघाची मला अत्यंत महत्त्वाची वाटत असून यासाठी शासनाने तसा आदेश काढण्यासाठी मी प्रथम विधानसभेत गेल्यानंतर हा प्रश्न मांडेल व तो नक्कीच मार्गी लावला जाईल असे आश्वासन अकोले विधानसभा मतदारसंघाचे माजी आमदार तथा विद्यमान अपक्ष उमेदवार वैभव पिचड यांनी काल महाराष्ट्र राज्य पत्रकार संघाचे राज्य सरचिटणीस डॉक्टर विश्वास आरोटे व त्यांच्या सहकाऱ्यांनी भेट घेऊन विविध मागण्यांचे निवेदन देण्यात आले तर दीक्षाभूमी ते मंत्रालय या संवाद यात्रेची पुस्तिका त्यांना देण्यात आली तर संघटनेचे प्रदेशाध्यक्ष वसंतराव मुंडे यांनी जी संवाद यात्रा काढली ती संपूर्ण देशाला नक्कीच आदर्श ठरणारी आहे या संवाद यात्रेमध्ये महायुतीच्या सरकारने दोन मागण्या मंजूर केल्या तरी अजून ज्या मागण्या प्रलंबित आहे यासाठी मी नक्कीच प्रयत्न करेन त्या मार्गी लागतील यासाठी देखील माझा सतत पाठपुरावा राहील असे आश्वासन दिले..
महाराष्ट्र राज्य पत्रकार संघाच्या विविध मागण्यांचे निवेदन माजी आमदार वैभव मधुकरराव पिचड यांना अकोले येथे सादर करण्यात आले. या निवेदनाची प्रमुख मागणी म्हणजे पत्रकारांच्या समस्यांचे निराकरण करण्यासाठी स्वतंत्र महामंडळाची स्थापना केली आहे व विविध सुविधा पुरविणे. हे निवेदन महाराष्ट्र राज्य पत्रकार संघाचे राज्य सरचिटणीस डॉ. विश्वासराव आरोटे यांच्या नेतृत्वाखाली देण्यात आले.
या प्रसंगी वैभव पिचड यांनी पत्रकारांच्या मागण्यांना पूर्ण पाठिंबा देत, त्यांच्या समस्या जाणून घेतल्या. पिचड म्हणाले, “पत्रकारांच्या मागण्या अत्यंत योग्य आणि त्यांच्या कार्यक्षेत्राच्या सुधारनेसाठी आवश्यक आहेत. पत्रकारांनी समाजाला योग्य माहिती देण्यासाठी, आपल्या कामाचे महत्व आणि धोक्याचे स्वरूप लक्षात घेता त्यांना आवश्यक त्या सुविधा मिळणे गरजेचे आहे. मी या मागण्यांच्या पूर्ततेसाठी शासनाकडे निश्चितच प्रयत्न करीन.”
डॉ. आरोटे यांनी पत्रकारांच्या सुरक्षेशी संबंधित विषय, आर्थिक सहकार्याची आवश्यकता, तसेच त्यांच्या सामाजिक आणि व्यावसायिक सुरक्षेची हमी देण्याची गरज याविषयी माहिती दिली. त्यांनी शासनाने यथोचित पावले उचलून पत्रकारांच्या समस्या सोडवाव्यात, अशी अपेक्षा व्यक्त केली.
या चर्चेत पिचड यांनी विशेष करून ग्रामीण भागातील पत्रकारांसाठी योजना तयार करण्याचे आश्वासन दिले. “शहरी भागातील पत्रकारांसाठी विविध योजना लागू केल्या जातात, त्याचप्रमाणे ग्रामीण भागातील पत्रकारांसाठी ‘लाडका पत्रकार’ योजना का सुरू करू नये, मी विधानसभेत हे मुद्दे नक्कीच मांडीन,” असे त्यांनी सांगितले. याशिवाय, ग्रामपंचायत व सर्व शाळांमध्ये वर्तमानपत्रांसाठी दरमहा दहा हजार रुपयांची तरतूद करण्याची मागणी त्यांनी समर्थित केली.
या महत्वपूर्ण भेटीच्या वेळी पत्रकार संघाचे विविध सदस्य उपस्थित होते. पिचड यांच्या आश्वासनाने पत्रकार संघाच्या प्रतिनिधींनी समाधान व्यक्त केले व या पाठिंब्यामुळे त्यांच्या मागण्यांना शासनाकडून योग्य विचार आणि पावले उचलली जातील, अशी आशा व्यक्त केली.
अकोले येथे झालेल्या या चर्चेत पत्रकारांच्या समस्या, त्यांची सामाजिक सुरक्षा, त्यांच्या कार्याची प्रशंसा, तसेच त्यांच्या हितासाठी स्वतंत्र महामंडळाची गरज यावर सखोल चर्चा झाली. या चर्चेमुळे पत्रकारांच्या मागण्यांना राजकीय समर्थन मिळाले असून, भविष्यात पत्रकारांच्या हितासाठी ठोस पावले उचलली जातील, अशी अपेक्षा आहे. यावेळी पत्रकार विद्याचंद्र सातपुते संजय गायकर आदी उपस्थित होते.
